حياة جديدة

هذا يوم فيه أنار افق الفضل وظهر القيوم وبيبده رحيقه المختوم

اول حب 14 سبتمبر

Filed under: الحياة,حب — sophy19 @ 21:25

farsaf1.jpg  kuku1.jpg  fs.jpg

انا فتاة مصرية اصيلة و زي مبيقولوا كده ابويا صعيدي و متربية علي العادات و التقاليد الشرقية المصرية و ايضا متربية تربية دينية من اسرة محافظة .. و طول عمري بقول انا عمري محتجوز اجنبي انا أفضل التواصل مع زوجي و اتكلم معاه بالعربي .. و لكن القدر .. النصيب .. جاء لي الحب الاول و كان اجنبي و مش عارفه ايه اللي حصلي .. ولا فكرت في انه اجنبي و لا فكرت في اللغه ولا فكرت في اي حاجه غير ان قلبي اتخطف مني و تقريبا كنت في غيبوبة .. و بعد كده اعلنا الخطوبة و سافر اللي بلده التي تبعد عن مصر ألاف  الاميال و قريبا سوف اتزوج و اسافر لبلاده البعيده و لذلك قررت اعمل مدونه علشان اصدقائي يراسلوني و اتواصل معكم عبر الانترنت الذي اصبح لغه الحوار في العالم و هو بلا حدود .. بل استطيع ان احكي لكم ماسأراه في الغربة و لو اني اؤمن ان العالم وطن واحد و البشر سكانه و قد تربيت علي هذا المعني من صغري و الان اجده مع خطيبي الغالي و فعلا مش حاسه بغربة معاه .. ارجو ان تشاركوني و ترسلوا لي نصائحكم لكي ابدأ حياة جديدة في بلد جديد و كيف احافظ علي زوجي و بيتي.. 

 

18 Responses to “اول حب”

  1. sophy19 Says:

    الف مبروك ياعروسة وان شاء الله حياتك تكون هنا وسرور وسعادة والعالم بقى قرية صغيرة والانترنت ادمج شعوب العالم مع بعضها البعض ومبروك لكى المدونة

  2. sophy19 Says:

    شكرا لصاحبة التعليق و شكرا لتهنئتك ليّ بالزواج و اتمني ان استمع لنصيحتك لي لزواج مستقر و سعيد

  3. shero Says:

    ألف مبروك على المدونة الجديدة – عمل جيد ومفيد أرجو الإستمرار – ومبروك على الزواج

  4. مبروك يا جميل مرتين للزواج وللمدونة
    اتمنى ان تدخلى على مدونتى لانها خاصة بالزواج والاسرة والاطفال
    اتمنى لك كل سعادة وهناء

  5. Hoda Fahmy Says:

    Dear friends,
    I really missed you so much, and by chanse i found your new and wonderfull site. All my best wishes to both of you and i hope to keep the touch with you

    with my love

  6. fosho Says:

    الف مبروك ياعروسه لا الكان ولا الزمان يفصل بين الحبايب وأنا أم زوجت بناتى الأتين بالخارج وكنت فاكرة أن الدنيا أنتهت لكن لما بأسمع كل يوم صوت اولادى وأحفادى عبر الجهاز العجيب ( الكمبيوتر ) بأحس أنهم حواليه وكما ذكرتم سابقا أن العالم أصبح قريه صغيرة بل هو حجرة واحدة لأن الكل بقى بيشوف ويعرف أخبار الجميع من حوله وأرجو أن تنورى مدونتى ستجدى بها من النصائح للمقبلين زيك على الزواج وهى بعنوان ( مشوار حياة جد وجدة ) والف مبروك تانى

  7. Smile Rose Says:

    اول حب فى حياة الانسان هو اصدق حب ونصحيتى اليكى ان تكونوا يدا واحدة وقلب واحد فى جسدين وان يملا قلبيكما دائما حب الله وحب المجتمع من حولكم اجعلا بيتكما عنوان للمحبة وعندما تنجبون اطفال علموهم الفضائل وعلموهم حب الخير والتسامح مع انفسهم ومع الاخرين لانه مهم جدا ان نقبل الناس من حولنا بل نرسخ فى عقولهم محبة العالم والقيام على خدمته

  8. هايدي Says:

    مبروك يا جميل لك و لاختك الغاليه اسعدتني اخباركم و ان شاء الله حياه زوجيه موفقه

  9. نسيت اكتبلك اسم المدونة
    ما الارض الا وطن واحد
    http://egyptianbahais.blogspot.com/

  10. khaled higazy Says:

    alf alf alf mabrook ya sophyyyyyyyyyyy

    i’ll miss u begad…wenty f3lan mn elnaas ely ana mabsoot eny 3reftaha,wana mota2ked enek 7atrfa3y esm masr fe elsamaa2 el3aleya wenty fe beelad al ferenja😀

    wish u the best and happy marriage

  11. heart99 Says:

    مبروك ياصوفي وانشالله يارب في استمرار وتقدم وابقي زوريني في موقعي اه حاجه علي قدي كده
    heart99.wordpress.com

  12. aly Says:

    مليون مبرووك ليكى على المدونه والزواخ وعقبال مليون سنه تعيشيها انتى و زوجكك ويارب يكون العالم دايما قريه واحده ولا يفصل بين الناس شىء

  13. Farag Says:

    Congratulation with your all plan.
    Please read the letter of Abdu’l – Bahá that sent especial for a person who goes to marry.

  14. DINA Says:

    GAMEEL YA SAFY ELY ENTE FEEH YA ALBY EL7OB FE3LAN ASMA 7AGA FE ELWOGOOD TAB3AN LA ETWEG BELREBAT ELMOQADAS ELY HOWA ELGAWAZ YEB2A 7OB 7AE2EY TAB3AN LAW MANTAHASH AKEED W RABNA YEWAFA2EK YA ALBY WS TE3EESHO TA7AT ZEL 7ADERT BAHA ALAH

  15. تامر Says:

    مدونتك جميله الحب حلو ولكن الدين الاسلامى برده جميل كسبانه الزواج بس خساره عباده الله ورسوله ودخلولك دين الحق هو الدين الاسلامى

  16. sophy19 Says:

    سيدي الفاضل الاستاذ تامر اكيد ان الدين الاسلامي عظيم .. و كل اديان الله عظيمة لانها رحمة للبشر اجمعين .. و لكن سؤال الي سيادتكم ليه حضرتك خسرتني عبادة الله ؟؟
    الحمد لله انا بعبد الله لا اله إلا هو وحده لا شريك له .. و الحمد لله من حبي في الله و من حب الله في و رضاه عني اعطاني زوج و شريك لحياتي ليساعدني في خدمة الله و تربية اطفال يعبدون الله و يحبون الناس و يخدمون المجتمع .. وشكرا علي تعليقك اللطيف

  17. يزيد Says:

    مبروك والسؤال بلد المحبوب فين؟

  18. hassan Says:

    مبروك … انا اه لسة مسلم بس من المفروض ان الانسان يهني اخوه الانسان لما يكون فرحان ويشاركه الفرح دا كمان …مش الفرح بتاع الجواز طبعا …اقصد يشاركه الفرحة عموما…وحضرتك مش بس فرحانه دا واضح ان حضرتك طايرة من الفرح ودا باين علي المدونة بتاعت حضرتك اللي لقيتها وانا بدور عن اي حاجة عن البهائية …عموما انا لقيتك بتطلبي من اصحابك نصايح وحجات من كدا…وبالرغم من اني مش صديقك وبالرغم من اننا حتي الان ابناء ديانة مختلفة …اسمحيلي اقدملك نصيحة محدش قلهالي انا اكتشفتها كدا لوحدي علي اساس اني ذكي يعني…قربي من اولادك قوي قوي قوي قوي قوي …وقولي قوي كدا الي مالانهاية …انا مش بقول كدا من منطلق اني اب ..لا انا بقول كدا من منطلق اني ابن…محتاج قوي لابوه يقرب منه …هو دلوقت بيحاول لكن بعد فوات الاوان انا خلاص كبرت “المفروض يعني” وبقي ليا دماغي وعالمي الخاص بيا واصحابي واهتماماتي ..ابويا اتاخر قوي في انه يقرب مني ….معذور يمكن يكون الشغل ….المهم متسبيش دقيقة ولا ثانية ولا حتي فيمتو ثانية غير لما تقربي من اولاد ك…عامليهم كانهم اصحابك خليهم يثقوا فيكي من وهما في اللفة لسه …شاركيهم احلامهم وحياتهم فرحهم وحزنهم …لانهم جزء منك من لحمك ودمك .


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s