حياة جديدة

هذا يوم فيه أنار افق الفضل وظهر القيوم وبيبده رحيقه المختوم

فستان الفرح .. أنصحوني 14 سبتمبر

Filed under: البهائية,الحياة — sophy19 @ 21:25

54902863_o.jpg lll.jpg

فاضل علي فرحي اقل من شهر و لغاية الوقتي محتارة في فستان الفرح .. مش عارفه اعمل ايه .. انا بحب الحاجه البسيطة اللي مفيهاش شغل كتير و كل الفساتين لازم تكون فيها شغل خرز و ترتر و كانني رايحه فرح العمده .. و انا دايما بقول ان في البساطة جمال و فعلا اخترت فستان بسيط جدا و راقي جدا و لكن خايفه من رد فعل الناس لانه بسيط جدا ممكن الناس يقولوا لا لا لا لا فين الترتر والخرز ؟؟ اعمل ايه ؟؟ في مثل دايما بيقال في مصر كل اللي يعجبك و ألبس اللي يعجب الناس  

بس هل المثل ده صحيح و لا مش في كل الاحوال

انصحونـــــــــــــــي ؟؟

 

15 Responses to “فستان الفرح .. أنصحوني”

  1. fosho Says:

    المهم الضحكة الحلوة اللى حتبقى على وشك والتسريحة والمكياج كل دول بيكملوا بعض ياقمر مبروك مقدما

  2. sophy19 Says:

    شكرا يا فوشو علي النصيحة الجميلة دي و فعلا الضحكة الحلوة احلي من اي شئ

  3. Nano Says:

    my dear sister the best thin is to choose what u like and what is good and fit on you not what people like don’t worry if is good on u u will be beautiful and take what you like and contant with
    Mabrook

  4. يزيد Says:

    انت فعلا في مشكله حد ينقى الفستان في اقل من شهر !؟
    انت باين شخصيه هاديه اوي او مشغوله اوي وده مش موضوعنا ، بالنسبه لقصر الوقت وعدم التهور خصوصا ان عامل الزمن لا يسعفنا يجعلنا في مأزق ويجعلها محلوله كمان !
    مثلا ممكن تختاري اللي عايزاه واي حد يفتح بقه تقولي معليش ما كنش فيه وقت والمهم الضحكه الحلوه🙂
    بس السؤال المحير ايهم افضل ؟ الابسط ممكن يكون تنفيذه اسرع وابسط واجمل في الصور كونه بيكون اقرب للكلاسيكي و مع الوقت ما يبطلش …لكن برضه في تنفيذه مشكله ان الابسط مش شرط اسهل في التنفيذ لان العيوب في القص او ما شابه بسهوله تبان فيه ،، بينما ابو خرز وترتر حبة الحاجات دي تشتت العين بس برضه تسرق اطلالة العروس يعني تلاقي الناس بتبص ع الفستان سواء حلو او وحش اكتر من التركيز ع العروسه والابسط عايز جسم يشيله ويضيف ليه اما ابو ترتر فممكن يغطى العيوب الخ والابسط ممكن يكون الافخم حسب الطرحه اللي ممكن تنحط وفي النهايه دايما العروسه عروسه و تفضل القلوب اللي تحبها بتشوفها افضل الكل ..فقلبي الامور في راسك وربنا يوفقك ومبروك سلفا🙂

  5. sophy19 Says:

    شكرا يا استاذ يزيد علي النصيحة الرائعه دي بجد بجد شكرا علي مشاركتك ليّ و لرأيك الرائع
    بس احب اني اقول لحضرتك اني حشتري الفستان جاهز و الفساتين كتير بأنواعها و اشكالها كلها معروضعه امامي و متقلقش من حكايه التفصيل و العيوب
    و فعلا المهم الضحكه الحلوة ادعيلي

  6. Smile Rose Says:

    العروسة الحلوة
    البسى اللى يليق على جسمك وترتاحى فيه والبساطة احلى شيىء وكله بيكمل بعضة زى ما قال الزملاء المهم الرضا والسعادة بالفرح وليس فستان الفرح

  7. sophy19 Says:

    شكرا يا سمايل روز علي تعليقك الجميل و نصيحتك الغالية و ان شاء الله كل حاجه حتبقي تمام و زي مقولتي ان المهم الرضا و السعاده

  8. عروستي الجميله والجميله قوي كمان
    المهم الجوهر ياغاليتي والسعاده والفرحه الحقيقية ربنا يتمم لك بالف خير وتكوني في اوج الفرحه والحب والسعاده مع زوجك العزيز والباقي كله ماهي الا مظاهر وبتنتهي ولكن الجوهر هوه اللي بيدوم لاتفكري الا في هذا

  9. يا عروسة انت جميلة اصلا كمان الفرحة بتخلي اى واحدة قمر وملكة جمال
    اختارى اللى تكونى مقتنعة به وما يهمكيش الناس حتقول اية
    والا حتفضلى تندمى وتقولى ياريتنى كنت اخترت الفستان ده ولا ده ولا ده
    اللى عملته في فرحى انى صممت فستانى بنفسى ورسمت اشكال التطريز بنفسى وتابعت الخياطة خطوة بخطوة
    النتيجة لحد دلوقتى اى حد من اى بلد او من اى خلفية جميعهم لما بيشوفوا صور فرحى بينبهروا بالفستان والمكياج والتسريحة ده لأني عملت اللى انا شايفاه مناسب لشكلى ولشخصيتى ولذوقى مش على الموضة او على مزاج الناس
    انت فنانة وتعرفي اكتر المناسب لك
    تهنئاتي لك ومستنية صور الفرح على نااااااااااااااااااااار

  10. hassan Says:

    مساء الخير
    انا اسمي حسن مسلم وعندي عشرين سنة …انا مش متدين قوي بالرغم من اني بدرس في الازهر منارة الاسلام كما يقال عنه … انا مش حاسس بروحي اصلا لا في الاسلام ولا المسيحية ولا اي حاجة تانية …هو دا معناه اني مجنون… ولا ممكن اكون ملحد صح …علي العموم اللي عنده حاة يقولهالي انا ايميلي مفتوح لاي حاجة ممكن تغير حياتي المملة قوي لغاية دلوقت .

  11. صدي الحرمان Says:

    الف مبروك وعقبال الولد

  12. bosy Says:

    على فكره انتى مش فى مشكله ولا حاجه انتى محتاجه يكون ليكى شخصيه انا مش دكتورة نفسية بس اللى انتى عاوزاه اعمليه بس ومبروك وربنا يتمم لك بخير وابقى ادعينا ماشى عشان نشوف الفستان

  13. ميس Says:

    ربنا يتمم بخير و يسعدك و ادعيلي اكون زيك كدة ان شاء الله و الله الي انت فيه ده مش مشكلة اللبس ده بيكون حرية شخصية في اي وقت و اذا انت شايفة اني شكلك هيبقى احلا بافستان البسيط خلاص و لا يهمك كلام الناس ولا غيره و سيبك من المثل البايخ ده

  14. ميس Says:

    ردي عليا او حتى ابعتي الايميل بتاعك سلام

  15. sophy19 Says:

    شكرا يا ميس علي تعليقاتك الجميله دي و اسفه جدا اني مردتش عليكي لاني كنت مشغوله شويه و مفتحتش البلوج بتاهي من فترة .. انا الوقتي متزوجه و الحمد لله بقالي 8 اشهر و كمان كان فستاني رائع و الحمد لله زز و عقبالك يا قمر و ان شاء الله كل شئ حيكون تمام .. متقلقيش و سبيها علي الله و كل عروسه في الدنيا بيقي ليها رونقها و جمالها الخاص .. ربنا معاكي و يوفئك


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s