حياة جديدة

هذا يوم فيه أنار افق الفضل وظهر القيوم وبيبده رحيقه المختوم

انا و بنات عمي 14 سبتمبر

Filed under: الحياة — sophy19 @ 21:25

 bestFriends.gif  friends for ever1.gifBestfriendscover.jpg

طول عمري مرتبطة بأهلي اوي و اقاربي بشكل عام .. بس بنات عمي بجد ليهم حب خاص في قلبي فأنا متربيه معاهم و دايما مع بعض من صغرنا و كمان بنخاف علي بعض و بنحب بعض .. و في يوم من اربع سنين كده كنت بتكلم مع بنت عمي و احنا واقفين بنغسل المواعيين في المطبخ و قالتلي تفتكري اننا ممكن نفترق ؟؟ فقولتلها ليه بتقولي كده لا طبعا .. فقالتلي يعني ممكن كل واحده تتجوز و تروح في حته شكل ؟؟ فقولتلها مفكرتش في الموضوع ده قبل كده .. بس عمرنا محنفترق ان شاء الله .. ايه اللي خيفرقنا بس ؟؟ و مرت الايام و السنين .. و لقيت بنت عمي الكبيرة ( زعيمة العصابة ) سافرت لأحدي الدول العربية للعمل بها و كمان حتتجوز من هناك .. و بعديها لقيت اختها بتقولي انا جالي عريس .. ففرحت اوي و من شده الفرحه بكيت .. وقالتلي أنه شاب من أحدي الدول العربية برضه .. فقولتلها بجد؟؟ فقالتلي ايوة .. و فعلا حضرنا فرحها هنا في مصر و لكن بنت عمي الكبيرة اتجوزت في بلد جوزها .. و للأسف مقدرتش اروح فرحها .. مع بعض المهم الكلام ده من سنه تقريبا .. و فعلا عمرنا مفترقنا و الحمد لله رغم بعد المسافه و لكن فضلنا مع بعض علي النت علطول و فاكريين بعض دايما .. و بعدين زي منتم عارفين اني مخطوبة و كمان فرحي فاضل عليه ايام .. فلقيت بنت عمي الكبيرة زعيمة العصابة بتقولي انها جاية الفرح .. مش قادرة اوصف لكم فرحتي .. بنت عمي جاية فرحي و كمان حشوف يويو ابنها .. مكنتش مصدقه نفسي .. و كنت مستنية كمان اعرف اختها جاية ولا لأ ؟؟ فقالتلي لا مش حتقدر تيجي .. فحزنت جدا لاني كنت عاوزة اشوفها و اشوف لولو بنتها القمر .. و فاجئة كنت قاعده من مرات عمي اللي انا بعتبرها انها امي لانها ربتنا و عملتنا كتير .. فقالتلي ان ام لولو جاية .. و الله لولا اني كنت في الشارع لكنت رقصت من الفرحه .. و فعلا جت أم يويو و شوفتها و شوفت يويو القمر و مش قادرة اوصف احساسي لما مسكت يويو نسيت كل حاجه .. كل القلق و التعب .. و حسيت براحه لا توصف .. انا ماسكة ابن اختي و صديقه عمري .. مش معقول .. و كمان جت المفاجئة التانية أم لولو .. بس لسة مشوفتهاش حشوفها بكرة هيا و لولو و حبقي اقولكم كان اللقاء ازاي

 

 

12 Responses to “انا و بنات عمي”

  1. Nano Says:

    this is the real love , this is the what Bahaa’u’llaha learnt us to give love and don’t wait return .

    and now we know the real meaning of love
    and know how to love for every one, husband family,friends, even the people u don’t know

    just open your heart for God Creations
    and you will enjoy love

  2. Shero Says:

    ربنا ماحرمكوش من بعضكم
    ومن آثار حضرة عبد البهاء عن المحبة يتفضل حضرته

    اعلم حق اليقين ان المحبة سرّ البعث الإلهي، والمحبة هي التجلي الرحماني، المحبة هي الفيض الروحاني، المحبة هي النور الملكوتي، المحبة هي نفثات روح القدس في الروح الانساني، المحبة هي سبب ظهور الحق في العالم الامكاني

  3. fosho Says:

    يارب يجمعكم دايما على خير والأرتباط الصادق والحب الخالى من المصلحة والأهداف هو حب مستمر ويظل مهما باعدت بنا الأيام ويبقى مع األأيام أهلا باأم يويو ومرحبا بوصول أم لولو وعقبال أختك وزوجها وطبعااااااااااااااااااااااااااااخطيبك والف مبروك مقدما

  4. ازيك يا أحلى عروسة
    وربنا يسعدك وتكون الأيام اللى جاية معاها أحلى اللحظات لكى ولزوجك يا رب
    وأحلى حاجة فى الدنيا الأهل والمحبة والصحبة الحلوة
    لكى منى كل الأمنيات السعيدة
    وسلامى الى زوجك العزيز

  5. Smile Rose Says:

    لسة ياعروسة متجوزتيش
    كل مرة اقول ادخل المدونة علشان اشوف صورة الفرح انتى مش قلتيى ان فترة الخطوبة فى الديانة الهائية ثلاثة اشهر فقط طيب امتى الزواج؟؟؟؟؟؟؟؟؟؟؟

  6. sophy19 Says:

    شكرا يا نانو علي كلامك الرقيق و فعلا زي مقولتي ان المحبة انك تعطي و متنتظرش المقابل و المعني ده اللي حضرة بهاء الله علمهولنا و كمان كل الرسل نادوا بالمحبة و بالحب الحقيقي
    يتفضل حضرة بهاء الله قائلا : دع قلبك يشتعل حباً و مودهً لكل من تصادفه في طريقك

  7. sophy19 Says:

    هلا سمايل روز فعلا زي مقولتي ان الخطوبة في الدين البهائي 95 يوم فقط و انا فرحي قرب اوي ان شاء الله فاضل عليه شوية ايام و اعيلي بقي ربنا يتمم بخير

  8. نسرين Says:

    الف مبروك لك وللعائلة. أنا فقط اريد أن أظمئنك انه اينما ذهبت في العالم ستجدين عائلة بهائية تحتظنك وتحبك وترعاك. وإن لم يكن ذلك في البلدة التي تعيشين فيها، فسيكون هناك عائلة في منطقة قريبة منك أنشاء الله. والاهم من ذلك أنه سوف يكون بإمكانك أن تبني عائلة، رائعة وتعملي أصدقاء جدد، وتشاركي العالم الجديد الذي سوف تنتقلين له المحبة التي يفيض بها قلبك. راسليني اذا جئت الى منطقة شيكاغو

    مع أحلى الامنيات،

    نسرين

  9. Farag Says:

    إن الزّواج محبّة فإذا جرى بسوى المحبّة كان أمراً مُتْعِباً

  10. محمود صقر Says:

    الف مبروك وربنا يتمم بخير على فكرة انا مصرى بس منوفى وعايش فى ليبيا وان شاء اللة جاى مصر بعد عمر طويل يارب يوفقك ويحقق كل الى تتمنية

  11. basbouca Says:

    يا ريت تراسليني على Email

  12. ويبقى الحب
    0173270739
    من تبحث عن الحب الحقيقى فى الايام دى
    انا ابحث
    0173270739


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s