حياة جديدة

هذا يوم فيه أنار افق الفضل وظهر القيوم وبيبده رحيقه المختوم

عاوزة تبقي جميلة ؟؟ هنا هنا هنا هنا هنا هنا 14 سبتمبر

 قرأت موضوع من احد الأصدقاء و بجد لقيت ان النصائح دي سهله اوي و اي حد ممكن يعملها بصوا بقي :

عند غسل الشعر بالشامبو اقلبى راسك لاسفل واقلبى شعرك للامام وادعكية بينشط
الدورة الدموية للشعر وبالتالى يمنع سقوطة

زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفة
ادهنيها بالليل والبسى شراب وشوفى النتيجة الصبح

وانتى على الكرسى وقاعدة قدام الكمبيوتر قومى واقعدى 5 دقايق بتتخلصى من
الارداف والشحوم المتركزة فى هذة المنطقة

اغسلى وشك بالصابونة واتركى الرغوة وضعى اربع نقاط معجون اسنان على الرغوة
وادعكى وشك وبعدين اشطفية هتتصدمى قومى جربى وارجعى ردى تفتيح انعاش لون وردى
وهتلاقى البشرة بتتنفس

وانتى فى المصيف التراب الموجود تحت الماء على الشط خدى شوية وادعكى سنانك
هتبرق تماما ولو دعكتى وشك كل الخلايا الميتة هتروح من الاملاح الموجودة فى
التراب

للمعان الشعر قبل السشوار اشطفى شعرك اخر شطفة بالماء المضاف الية الشاى
المغلى بعد تبريدة واتفرجى وادعيلى
 

دايما اشفطى بطنك للداخل كل ما تفتكرى شهر وبطنك هتختفى احسن من اى تمرين
الشفط بيقوى عضلات البطن حتى مع الحمل والولادة

وضع ماء الورد المخصص للشرب على ماء الشرب العادى بيورد كل بشرة الوجة
والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة
من مية الورد

اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع
بعض وضعيهم على الوجة يمنع تكتل كريم الاساس وهيديكى لمعة تحفة ويمنعة من
التشقق مع الوقت الطويل ولا اغلى ماركة

اغلى نصف فنجان ماء مع كركدية واخلطى المية بعد الغلى مع فازلين وادهنى
شفايفك كل يوم بالليل اسبوع شفايفك بتبقى وردى طبيعى لمدة شهر

شرش الجبن ( او الماء اللى بيكون فى علبة الجبنة ) حطية فى زجاجة وادهنى
وشك منة مرتين فى اليوم وادعيلى تفتيح وترطيب وازالة البقع والنمش

تغيير نوع الشامبو كل اربع شهور لان شعرك بياخد علية ولو بتحبى نفس النوع
ابقى ارجعيلة بعد التغيرعادى بس غيرى وارجعى

ضعى طلاء الا ظافر فى الثلاجة قبل وضعة هينشف بسرعة ويتحط بسرعة (من اسراري)

عضتك نموسة او حبة فجاة وعندك خروجة بسرعة حطى عليها اى نوع من قطرة العين
وادعيلى اوعوا تنسوا

خايفة على الشراب النايلون من القطع اغسلى رجلك ببلسم الشعر واشطفى رجلك
(هتبقى نعمة موت حتى لو مش هتلبسى شراب (من اسرارى)

مزيل الماكياج خلص استخدمى الزبادى لازالة الماكياج ومنة ماسك سريع هتتصدمى
من النتيجة

قشر الرمان نشفية فى البلكونة كويس ودقية واطحنية بودرة وضعية تحت الابط
لمدة اربع ايام رائحة العرق بتختفى شهر

 

12 Responses to “عاوزة تبقي جميلة ؟؟ هنا هنا هنا هنا هنا هنا”

  1. heart99 Says:

    حلو ياصوفي وهاجرب بس يارب مايطلعش معايه حاجه تانيه ويبهدل وشي انتي عارفه دهني

  2. nancy Says:

    very nice beauty advices. i will try it too
    thanks , wee need more from this hahahah
    love

  3. sophy19 Says:

    متخفيش يا نوغه جربي لان الحاجات دي طبيعيه و مش حتضرك ان شاء الله و ابقي ادعيلي

  4. sophy19 Says:

    شكرا يا نانسي علي تعليقك و في حاجات جايه كتييير تاني بس انتي استنيني
    love

  5. nagamat Says:

    حبيبتى صوفى ما أروع موضوعاتك
    لقد أصبحت فعلاً مدونتك اسم على مسمى
    ففعلاً الموضوع رائع ومفيد
    أشكرك جداً على نصائح الرائعه وأنا بالفعل بدأت فى تنفيذ بعضها
    دمتى لنا وإلى الأمام دائماً يا روح الروح ،

  6. شارع الصحافة Says:

    حقيقى يا صوفى مدونة حلوة وظريفة ومنعشه
    ومفيدة جدا للكل
    بس ياترى مسموح للرجال بزيارتها؟
    أتمنى أن تعطينا الأذن بذلك للزيارة
    تنفضلى بزيارة مدونتى لتعطينا الأذن لو سمحتى
    خالص تحياتى

  7. sophy19 Says:

    اولا اهلا وسهلا بحضرتك لأول مرة بمدونتي المتواضعه .. ثانيا المدونه بتاعتي خاصه بكل الاعمار و كل الناس و كل الاجناس و كل العالم لاني لما بكتب اي موضوع جديد بكتب بالحب و لحب العالم .. و انا مقولتش ان المدونه دي للرجال فقط انا قولت انها حياه جديده و ان شاء الله تستفاد منها انت و اسرتك .. و شكرا ليك يا شارع الصحافه

  8. Smile Rose Says:

    ايه كل الشقاوة دى

  9. جمال Says:

    و الله نصايح تحفة و عن نفسي أنا هستعملها بأذن الله علشان كل ما نرجع للطبيعة كل متقل الأثار الجانبية و المؤذيه
    و أوعدك أول مهتجوز هخليها تمشي عالمسكات متلخبطوش ((:

  10. صافي Says:

    يارب يعجبك يا سمايل و تكوني استفادتي و جربتي

  11. masa Says:

    حلوه اوى الوصفات دى بس انا عوزه وصفه علشان عندى بقعه سوده فى كوعى من كتر مبسند عليه شكرا

  12. sophy19 Says:

    اولا اهلا بيكي في موقعي المتواضع و يارب يكون عجبك
    علشان اي منطقه سودا انا دايما بستخدم اللمون .. و كمان الخلطه السحريه و هي اخلطي شويه دقيق و اعصري عليه لمونه و اخلطيهم و حطيه علي كوعك ووجهك و اي منطقه عاوزة تفتحيها و ضعي الماسك ده لحد لما ينشف خالص و بعدين اغسليه بماء دافئ و ادعيلي رائع


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s