حياة جديدة

هذا يوم فيه أنار افق الفضل وظهر القيوم وبيبده رحيقه المختوم

اصحوا يا اهل الاسلام 14 سبتمبر

إصحوا يا أهل الإسلام

إصحوا يا أهل الإسلام

ده رسول الله زعلان

إزاي بتقولوا آمننا

و تؤذوا أخوكوا الإنسان

ده محمد جه بالحب

و نشره في كل مكان

ده محمد جه وصاكم

بالعدل و بالإحسان

و سمعنا كتير عن كرمه

و أخلاقه و صدقه و أدبه

عمره ما أذى بني آدم

كان دايما بيراعي ربه

دين الإسلام ده تسامح

و حب و فعل الخير

و المسلم هو الناجح

في مساعدة كل الغير

و محمد قال القوة

أنك تمسك أعصابك

و ما قالش تبقى فتوة

و تؤذي أحبابك و أصحابك

و الدين دايما لله

و لا لينا رب سواه

الدين ده مكانه القلب

ما تفوقوا يا خلق الله

و إزاي يَّدعي إنسان

إن له على الدين سلطان

و ينصب نفسه إله

و هو مجرد إنسان

ده الكفر حقيقي بعينه

ده أشرك بالله مولاه

و لا يمكن ربه يعينه

في أذية خلق الله

مش هو ده الإسلام

الإسلام كله حب

و بيدعو للسلام

و الصدق و طيبة القلب

ليه بس تشوهوه

و تسوأوا كده في صورته

بأفعالكوا بتهدموه

و يخاف الناس من سيرته

أدعو كده لسبيل ربك

بالحكمة و الكلمة الحسنة

ده أكيد الناس هتحبك

لو تتعامل بالحسنى

و المسلم يسلم غيره

من اليد و من اللسان

و لا يؤذي أبدا غيره

حتى و لو بالبيان

ده رسول الله أوامره

تحبوا خلق الله

و اللي راح يعصى أمره

ده بيعصى أمر الله

إصحوا يا أهل الإسلام

ده رسول الله زعلان

منقول

http://ahmed-helmy.maktoobblog.com/

 

3 Responses to “اصحوا يا اهل الاسلام”

  1. Smile Rose Says:

    شعر جميل لكن لازم تشيرى للمدونة اللى كاتباه علشان نشوفها

  2. pureheart Says:

    الله الله بس يارب يفهموا الكلام ده بس نقول ايه لو رجعوا للدين لكانوا مشيوا علي الطريق الصحيح

  3. zizy Says:

    اسعوا يا اهل الاسلام لرضاء الرسول حبيب الله سيدنا محمد فرضاه من رضى الله عز وجل عليكم بالتحلى بالصفات الحميدة ليعم العالم الفضائل الانسانية ويسود السلام العالمى


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s